Apple ra “iWatch”

Dêvê teknolojî û rayberê înovasyonan, şîrketo amerîkan Apple ra rîwayetêda newîye vejîyaye: yew saeta destan ê komputure. Goreyê veng û vajan ra na saeta biaqile bi nameyê iWatch komputur û telefonê destan de girêdaye ya.

Melumatanê rojnameyê Wall Street Journalî ra gore na saete de tayê fonksîyonê komputure û telefonanê destan do bibê. No taw Apple şîrketê xo yê sanayî yê Çînî Foxconn ra pîya dîyazn ser o

xebitîna. Rojnameyê New York Timesî kî kerd eşkera ke, eke bêro rotene, na saete bi sîstemê iOS yena xebitnayene.

Xeylê serrî komptura tabletî iPad ser o spekulasyonî virazîyay, heta ke no hacet vejîya pîyase. No taw derheqê yew saeta biaqile ser o yena qisey kerdene, aye ra kî dot vanê ke Apple modelê televîzyonan ser o gureyena.

Şîrketê sey Sony Apple ra raver yew saete vetîbî ke telefonê destan de girêdaye ya. Smartwatchê Sony besekena xeberanê neweyan ya kî telefonê ke yenê, hermeyê merdimî ser o bimusnê. Şîrketê Înternetî Google kî wazeno bi verçimikanê biaqilan Google Glas ra komputure û telefonê destan pê verçimikan girê bido.

http://dersiminfo.com/apple-ra-iwatch/